جمالك مع نانيس : الماسكرا لرموش قوية وجذابة

زفاف و عروس

صحة و عناية

غذاء و رشاقة

مكياج و عطور

موضة اناقة و ازياء

جمالك مع نانيس : الماسكرا لرموش قوية وجذابة

النهارده هنتكلم عن حاجتين اتنين ممكن إنهم يدوا شكل جذاب للرموش وهما؛ الماسكرا والرموش الصناعية، وهابدأ كلامي بالكلام عن الماسكرا..

طبعا مافيش بنت ممكن إنها تستغنى عن الماسكرا لأن الماسكرا بتدي للرموش كثافة، وبتخليكِ تحسي إن رموشك طويلة، وبتظهر أهمية الماسكرا عند البنات اللي بتعاني من إن رموشها خفيفة أو قصيرة، دي فوايد الماسكرا.

وللماسكرا أنواع متخلفة، وكل نوع من الأنواع له تأثير مختلف على الرموش فمثلا يوجد..

• النوع اللي بيستخدم لرفع الرموش وتطويلها.

• النوع اللي بيستخدم في تكثيف الرموش وتفريقها عن بعض.

والاختيار في النهاية بيرجع ليكي على حسب شكل رموشك، والنتيجة اللي إنتي عايزاها

إزاي تستعمليها؟!

طريقة استعمال الماسكرا سهلة جداً ولكن لازم تستخدميها بشكل عمودي؛ عشان تفرقي بيها الرموش عن بعضها، وبتبدأي من الجذور لفوق، وكمان بتبدأي من الزاوية الداخلية للعين ثم المنتصف ثم آخر العين، ودي هي الطريقة السليمة لتكثيف الرموش وإطالتها.

وخدي بالك من شوية الحاجات دي وإنت بتستعملي الماسكرا:

• إن لو كانت عينيك ضيقة يبقى حطي الماسكرا على الرموش السفلية؛ وده علشان تدي شكل أوسع لعينيكي.

• إن لو عينيكي واسعة يبقى اكتفي بإنك تحطي الماسكرا على الرموش العلوية فقط.

• لو حسيتي إنك محتاجة تدي لرموشك طبقة تانية لازم تستني شوية لغاية ما الطبقة الأولى تنشف وبعد كده تحطي الطبقة التانية من الماسكرا؛ عشان تدي تُقل وكثافة أكثر، وتركزي على المنطقة الداخلية والخارجية للرموش.

• لو لقيتي رموشك مع الماسكرا التصقت ببعضها حاولي تفرقيهم عن بعض بفرشاة أسنان قديمة أو فرشاة ماسكرا تكوني مش بتستعمليها.

الرموش الصناعية.. للمناسبات

أما بقى لو عندك سهرة أو مناسبة أو لو كنتي عروسة فأنصحك إنك تركبي رموش صناعية وفيه شكلين للرموش الصناعية..

الشكل الأول

اللي بيتركب واحدة واحدة باستعمال الملقاط.

الشكل التاني

وده بيكون قطعة واحدة وبيكون شكلها طبيعي بس لازم حد متخصص هو اللي يركبها لك.

شاركي صديقاتك هذا الموضوع

اذا اعجبك هذا الموضوع، فقد تعجبك المواضيع التالية:

» جمالك مع نانيس : وصفات للعناية بالقدمين

» جمالك مع نانيس : ازاي تعملي مساج لبشرتك بنفسك

» جمالك مع نانيس : وصفات طبيعية لكل بشرة دهنية

» جمالك مع نانيس : نصائح للعناية بالبشرة الجافة

» جمالك مع نانيس : مجموعة ماسكات لتفتيح البشرة

عدد التعليقات المطروحة في الموضوع 5 »

Anonymous :

يعني بجد تسلمي على كل حاجه بتقدميها

اقتباس

تاريخ التعليق: 18 أكتوبر 2009 الساعة: 2:17 ص

Anonymous :

شكراااا على المعلومات الجميله دى

اقتباس

تاريخ التعليق: 22 أكتوبر 2009 الساعة: 1:11 ص

Anonymous :

شكرا الموضوع مفيد

اقتباس

تاريخ التعليق: 31 أكتوبر 2009 الساعة: 9:34 م

Anonymous :

thax ya gameeeeel

اقتباس

تاريخ التعليق: 11 نوفمبر 2009 الساعة: 6:33 م

Anonymous :

شكرا على المعلومات دي بس ازاي اعرف ان نوع الماسكرا اللى بشترية كويس انا احتار بين الماركات المختلفة وبخاف استخدم التيستر

اقتباس

تاريخ التعليق: 30 ديسمبر 2009 الساعة: 4:05 م

بعد قرائتك لمحتوى الموضوع .. عبري عن رأيك

أذا كنت تريدين صورة بجوار تعليقك, اقراءي هذا الموضوع هنا

|[ معلومات الموضوع ]|

عنوان المـوضوع: جمالك مع نانيس : الماسكرا لرموش قوية وجذابة

كاتب المــوضوع: أسماء نبيل رشدي

مصنف فـــــــي : جمالك مع نانيس

تاريخ النشـــر : الخميس, 15 أكتوبر 2009

عدد التعليقات : 5 تعليق

طباعة المــوضوع : اطبع

اتيكيت و معاملات »

نصائح لتوجيه الثناء و المجاملة

عندما تقوم بالثناء على تصرف او على سمة من السمات فان ثناءك يصبح محددا و يتمتع بوقع اكبر في صدقه ان كان الاخر يعرف بالظبط ما يمدح عليه و اليك بعض النصائح لابداء الثناء:
- الصدق …

المزيد من مواضيع هذا القسم »

اشغال يدويه »

كاسات الضيافة بطريقة سهلة

طبعا الصيف والاجازات تكثر فيها الزيارات بين الاصدقاء والاقارب ودائما نبحث عن ادوات وافكار للضيافة ولكى لا نرهق ميزانية البيت اقدم لكم اليوم بعض الافكار لتجديد الكاسات
الطريقة الاولى
كاسات
شريط ستان
غراء الافو السريع
ورد ستان

هنبتدى نلصق الوردات طبقات …

المزيد من مواضيع هذا القسم »