ازاى تعرفي انو لا مؤاخذة "Jerk" كبير!

tumblr_lj3leekdeo1qbqmsdo1_500_largeبيقولو دايما انهم ماتو في الحرب.. ده ممكن يكون حقيقي لان الموجود دلوقتي اكترهم من جماعة "مايستاهلوشي" و فالغالب هتكوني شوفتي منهم كتير و ممكن تكوني دلوقتي في علاقة مع واحد منهم و بتحاولي تصبري نفسك و تقولي ممكن في امل!
بس للاسف مع العلامات الواضحة انو "Jerk" كبير مش هيكون في امل ولا حتى عمر والحل الوحيد ليكي الهروب السريع!

في علامات عشان تتأكدي انو فعلا ميستاهلش وقتك و الحل الوحيد انك ترميه في اقرب وقت!

04- حضرته مشغول!
لو دايما بتسمعي منو انا مش فاضي, عندي شغل, خالتي بتولد و اختي بتغسل لما تطلبي منه حاجات بسيطة زي انك تخرجي او تتكلمي معه و يقولك انا من النوع اللى مش بيحب كلام التليفونات
بس ممكن لو كنتي معه في مره هتلاقيه بيرغي مع اي حد و ماسك الموبيل طول الوقت وانتي كنتي بتستني بالساعات عقبال ما يرد على رساله منك .. اعرفي ساعتها توقفي اهتمامك بواحد مش مهتم يتكلم معاكي او حتى يشوفك!

الطبيعي.. لو واحد بيحب هيهتم من غير ما يكون مطلوب منو ده في بعض الاحيان ممكن يكون محتاج كلمة او عتاب لو مقصر معاكي بس مش هيكون طول الوقت و هيستقبل عتابك طبيعي مش هيعمل خناقة عشان يرتاح منك اسبوع او اتنين ميتكلمش معاكي عشان يحسسك انك غلطانه و مبتقدريش.. لما تحسي انك بتيجي على نفسك و بتطلعي نفسك غلطانه و انتي عارفه انك مش غلطانه و دي اقل حقوق ليكي اعرفي ان ده الوقت المناسب انك تخرجي من العلاقة دي.


asshole- معاكي فلوس!

لو بيجي ساعات يقولك الجملة اللطيفة دي "معاكي فلوس" اصل انا مش معايا فكة او نسيت اجيب فلوس .. "ممكن تشحنيلي رصيدي خلص" دي الطف كمان 🙂
لو هو من الجماعه دي لو عملها معاكي مره و اتنين المفروض انك مستنيه ايه من واحد كده تتجوزيه و تقعديه في البيت و تصرفي انتي عليه!!

الطبيعي.. لو راجل عمره ما هيقبل كده على نفسه اللى يحصل المفروض العكس و مش لازم تكوني ماديه و تخليه يجبلك و يعملك عشان تعرفي انو مش بخيل و مادي حقير بس الطبيعي حلو  لو مش معه فلوس دلوقتي مش لازم ينزل من بيتهم اصلا و لو معندوش رصيد يكلمك ان شاء الله عنو ما اتكلم بس متقبليش تصرفي على واحد المفروض اسمه راجل!

anigif_enhanced-buzz-5017-1365431328-10- شوفتي المزه دي!
من احقر الانواع اللى هتلاقيه فاكر نفسو حسن الشافعي و كل البنات هتموت عليه و انتي بالنسبه له راضي بيكي كده تخليص حق تقريبا 🙂 .. شوفتي هايدي بتلبس ازاى شوفتي دينا شعرها حلو ازاى ماتعملي زيهم خسي روحي الجيم زي معرفش مين! لو هو عاجبو هايدي و دينا و ام عباس حتى ياستي سبيه يروحلهم و وفري على نفسك وجع القلب مع واحد شايف انك اقل من اي بنت بيشوفها.

الطبيعي.. لو هو بيحبك هيشوفك جميلة مش هقولك مش هيبص لحد غيرك دي صعبه بس مش هيخلي نفسيتك في الارض مش هيخلي ثقتك في نفسك زيرو بالعكس المفروض الانسان اللى هتكملي معه حياتك يكون بيحترم مشاعرك يديكي دايما طاقة ايجابيه و يشجعك انك تكوني احسن في كل حاجه مش بس في شكلك .. متقبليش حد مهما كان مين يقلل منك انتي تستاهلي احسن من كده!


ecce545121a777423f7baa5babb1dfc1- الوعود!

لو دايما بيوعدك انو هيبدأ يعمل حاجه زي انو يتعرف على اهلك او يبدأ يجهز لعلاقة جاده معاكي بس دايما مفيش حاجه بتحصل بعد الوعود و الكلام الكتير و الاحلام الوردي هتلاقي نفسك مش بتاخدي منه غير كلام كلام و طالما بترضي بالكلام مش هيتعب نفسو و يديكي اكتر منو مانتي راضية!

الطبيعي.. كلهم بيخافو من الارتباط و الجواز و المسؤولية بس وقت ما هيحبك بجد مش هيكون عايز يخسرك و لا عايزك تبعدي ده هيخليه يشوف انك احسن واحده ممكن تكمل معه حياته هيكون راجل من اللى هما مماتوش في الحرب دول و يحافظ على الوعود و كلامه مش هيكون مجرد كلام .. و انتي متقبليش بأقل من كده!


tumblr_n6uo7pTWaw1skrctjo1_500و نصيحة اخيرة متقبليش اقل من اللى انتي تستحقيه اعرفي قيمة نفسك و ماتضيعيش وقتك مع اشكال مايستاهلوشي .. انتي تستحقي احسن من الاشكال دي!

عن Asmaa Nabil

اسماء نبيل مصممة جرافيك وكاتبة في مجال الموضة و الازياء لها عدة مدونات تهتم بالمراْة العصرية ولها الكثير من اعمال التصميم باستخدام الفوتوشوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *