عرب فاشون موقع المرأة العصرية
كيف اشتري على الانترنت
كيف اشتري على الانترنت ؟ سؤال كل البنات بتساله
من فترة كنا سألنا سؤال ايه اكثر حاجه بتحبي تشتريها من على الانترنت ؟
وطبعا كانت نسبة الاجابه الاكبر بتعكس ثقافتنا العربيه " ما بحبش اشتري اي حاجه من على الانترنت ؟
فطبعا كان لازم علينا نعمل الموضوع ده عشان نحاول نغير من الثقافه دي ونتعرف مع بعض على ايه هيه مميزات
الشراء من الانترنت و كيف اشتري على الانترنت ؟
اولا: سعر اقل
طبعا حاجه طبيعيه لو بتشتري من محل ما لهوش ايجار ولا كهرباء ولا موظفين كثير وفي الاغلب ما بيدفعش ضرائب لازم هيكون السعر ارخص
ثانيا: توفير للوقت
يعني مش محتاجه تفضي يوم عشان تنزلي تعملي شوبينج ولو بتشتغلي مش لازم تخدي اجازه عشان تنزلي تشتري شوية لبس
ومش محتاجه تتخانقي مع اصحابك عشان حد ينزل معاك
ثالثا : ممكن تشتري في اي وقت
المحلات على الانترنت ما بتقفلش الساعه ١٢ بالليل يعني ممكن تشتري الساعه ٣ الصبح ممكن تشتري في اي وقت ٢٤ ساعه في اليوم ٧ ايام في الاسبوع
رابعا : ممكن تختاري من الاف المحلات
على الانترنت عندك مجموعه كبيره من الاختيارات ممكن تتفرجي على ازياء من كل البلاد وممكن تختاري اكسسوارات هاند ميد من الاف المبدعين حول العالم
يعني ببساطه عندك اكبر تشكيله من الاختيارات على الانترنت
ودي افضل اماكن للشراء من الانترنت
خامسا : اختاري براحتك
على الانرتنت ممكن تشوفي صور مفصله وبوضوح عالي جدا لاي حاجه عاوزه تشتريها يعني مش هتلاقي بياع غلس يتضايق اما تنزلي كل
المحل وتتفرجي عليه ومش هتلاقي بياع حشري بيقولك رايه من غير ما حد يساله ومش هتسمعي المحل صوتك العالي وانت بتتخانقي انت
واصحابك تختاري ايه احسن وانهي شكله احلى
طيب كيف تشتري من الانترنت و ايه اكثر مشكله بتقابلك عشان تشتري من الانترنت ؟
اكيد طبعا هيه الكرديت كارد واللي لسه للاسف في ناس كثير بتخاف تشتري من الانترنت بالكرديت كارد وفيه ناس كثير مش عندها كرديت كارد
احب اقولك ان الزمن ده انتهى دلوقتي ممكن تطلعي كرديت كارت لاستخدام الانترنت بس في اقل من ١٥ دقيقه وكمان امنه تمام
للاستخدام على الانترنت ومش محتاجه اي ورق او اي حاجه بس صورة البطاقه الشخصيه وبتحطي في الكارت فلوس وقت اما تكوني محتاجه تشتري حاجه بس
لو انت في مصر
بنك كريدي اجريكول عنده كارد اسمه جيفت كارد او كارد الهدايا روحي اقرب فرع للبنك في المنطقه اللي انت فيها
خدي البطاقه الشخصيه معاك و ١٥ جنيه بس ثمن الكارد وهتستلميه وانت واقفه
في العلبه بتاعت الكارد هتلاقي ظرف في البن كود او الرقم الشخصي عشان مكنة البنك (جهاز ال اتي ام )
في اي وقت تقدري تحطي فلوس في الكارد من مكنة البنك القريبه منك
ومش محتاجه تتعاملي مع البنك في اي حاجه تاني كل حاجه بتم عن طريق جهاز ال اتي ام سواء كان ايداع او سحب
او حتى استفسار عن الحساب
وفيه بنوك تانيه زي
بطاقة من نوع فيزا يمكن الحصول عليها من بنك مصر.
بطاقة من نوع ماستركارد يمكن الحصول عليها من بنك CIB أو عن طريق فروع توماس كوك.
بطاقة من نوع فيزا يمكن الحصول عليها من البنك العربي الافريقي.
نتمنى تكون النصائح دي مفيده وتساعد على تغير ثقافتنا في الشراء من الانترنت ونحب نعرف راي وتجربة كل البنات
في موضوع الشراء من الانترنت
بنك كريدي اجريكول يخصم على كل عملية سحب ولو رصيد بالدولار بيخصم 2%
دا غير الرسوم اللى كل 3 شهور تقريبا حوالى 40 جنية
انا كل ما بستخدمالفيزا منه اللاقى خصم فلوس اروح اسال يقولولى دى رسوم سحب او رسوم استعلام او رسوم اشتراك مع انى لسه عمله الفيزا من 5 شهور بس والمفروض الرسوم ديه سنوية زى البنوك التانية
اذا من سوريا كيف بعمل شو بينج عن طريق الأنترنيت اذا في حاجات عايزة أشتريها من بلد تاني
انا سميه من السعودسه وتحديدا مدينة الباحه بالجنوب
كيف استطيع ان استري عبر الانترنت
ياليت احد يفيدني