اصنعي بنفسك بلسم لشعرك الجاف المتقصف

اليوم نقدم لكي طريقة سهلة لعمل بلسم للشعر عشان الشعر الجاف و المتقصف تعالي نعرف المكونات مع بعض و الطريقة

المكونات:
1/ 8 كيلو شمع البلسم
1/ 8 كيلو مية بلسم

الحاجات دي هتلاقيها إمّا عند العطار، أو عند محلات مخصصة لبيع المواد الكيميائية والصابون، والحاجات دي رخيصة جدا، وهتلاقيها بسهولة.

الطريقة:
اغلي كوب ميه، وبعد كده حطّي فيه ملعقة شمع البلسم مع التقليب المستمر، وبعد ما يذوب تماما ضيفي ملعقة مية بلسم، وهي بتبقى ميه لزجة شوية، وأوّل ما تحطّيها تهدّي النار وتقلّبيها، وأهم حاجة إن التقليب يبقى في اتجاه واحد لمدة 4:3 دقائق، ومع التقليب هتلاحظي إن الميه لونها هيبيض وهتتقل شوية.

بعد كده ارفعيه من على النار، وسيبيه لحد ما يبرد، وقلّبيه كويس، وبعد كده ابتدي عبّيه في برطمانات زجاج، واستعملي منه.

 

المصدر: مجلة بص و طل