عرب فاشون موقع المرأة العصرية
المقادير:
10 جرام فاسوخة (قطعة في حجم البندق وهتلاقيها متوفرة عند العطار)
ملعقة صغيرة مستكة مطحونة
ملعقة كبيرة زيت زيتون
نص فنجان مية
فنجان سكر
ذرة شبه
ليمونة
الطريقة:
1- ناخد الميه ونضيف عليها السكر وندوبه على النار بنفس طريقة السويت العادية، ولما يسيح خالص اعصري عليه الليمون وقلبيه لحد ما يبقى لزج.
2- في طاسة تانية، حطي الفاسوخة وضيفي عليها زيت الزيتون، وحطيهم على نار هادية جدا لحد ما تسيح، وبعد كده ضيفي عليها المستكة والشبّه وقلّبي الخليط كويس جدا.
3- ضيفي خليط الفاسوخ وزيت الزيتون والشبه والمستكة على السويت اللي عملتيه وقلبيهم كويس جدا مع بعض، وصبيه في طبق وسيبيها لحد ما تبرد، وبعد كده استخدميها، وممكن تشيلي كمية منها في الثلاجة ولما تحبّي تستخدميها تحطيها في حمام مية دافي.
(ملحوظة: استخدمي جوانتي مع الفاسوخة لأنها بتلزق في الإيدين).
