ماء الورد الطبيعي لترطيب البشرة

المقادير:

• 3 وردات بلدي
• 1/ 2 كوب ماء ساخن

الطريقة:
ممكن تستخدموا أي نوع من الورد سواء الأحمر أو الأصفر أو الوردي نقطع أوراقه ونحطها في حلة ونحط معاها الميه ونقلبها ونسيبها تغلي على النار لمدة من 5 : 10 دقائق هتلاقوا لونه بقى أحمر طبيعي زي لون شربات الورد.

ممكن نحتفظ بالماء دي في التلاجة لمدة 3 : 4 أيام فقط ومش أكتر من كده وهي مفيدة لكل أنواع البشرة لأنها بترطب وبتغذي جدا وممكن نستخدمها على الوش وكمان للجسم كله.

من الحاجات الحلوة اللي ممكن نعملها هي إننا ممكن نجيب باقة من الورود بألوان مختلفة ونقطع أوراقها ونحطها في البانيو في ميه سخنة جدا ونسيبها لمدة ربع ساعة وبعدين ناخد الشاور في الميه هتحسوا بنتيجة حلوة من ترطيب وتغذية وكمان تعطير للجسم.