تعلمي وضع المكياج بالطريقة الصحيحة

مكياجتعلمي معانا بالخطوات البسيطة الطريقة الصحيحة لوضع المكياج مع خبير التجميل سامح شعراوي

تنظيف البشرة
أوّل حاجة هنعملها هي تنظيف البشرة؛ عشان نحضّرها للميك أب، وبنستخدم التونك أو المنظّف، وده بيخلي البشرة ناعمة، وكمان بيزيل الأوساخ والدهون الزيادة من البشرة.

الكونسيلر
دلوقتي هنبدأ نحط الكونسيلر (مصحح العيوب)، وبنسيّحه كويس جداً تحت العين، وناخد بالنا إننا نوزّع الكونسيلر في اتجاه واحد.

كريم الأساس
بعد ما سيّحنا الكونسيلر تحت العين، هنحط كريم الأساس، وعلشان يدينا نتيجة كويسة فإحنا بنختار درجة كريم الأساس بنفس درجة البشرة.

تصحيح عيوب الوجه
قبل ما نبدأ نحط اللوس باودر (البودرة السايبة)، بنحاول نصلح العيوب اللي بتكون ظاهرة في الوجه؛ فمثلاً لو الأنف كبيرة شوية فإحنا بنغمق المنطقة دي بحيث تبان أصغر.

بعد كده بنوزّع البودرة السايبة تحت العين، وبنسيب البودرة تحت العينين لغاية ما نخلّص رسمها بالآي شادو؛ علشان نحافظ على المنطقة دي، ونقدر نشيل الميك أب اللي هيقع عليها بسهولة بعد كده.

رسم العيون بظل الجفون
لما نيجي نرسم العين لازم ناخد بالنا إننا نحط اللون الفاتح الأول، وبعد كده نحدد هنرسم العين بأي شكل، وزي ما هنشوف في الفيديو إننا هنعمل ميكس بين اللون الموف واللون الرمادي، وأهم حاجة إنك توضّحي اللون اللي فوق الرموش؛ لأن ده هو اللي بيظهر الرسمة، وبعد كده بنسيّح الألوان مع بعضها.

الآي لاينر
أهم حاجة في رسمة الآي لاينر إن الخط ما يكونش مقطع ونعرف إزاي نرسمه صح.

أحمر الخدود
بنحط أحمر الخدود على عظمة الخد بطريقة خفيفة وناعمة على الوش، وفي الخطوة دي بنبدأ نشيل البودرة اللي كانت تحت العين، وعلشان نثبت الميك أب أكتر بنحط بودرة مضغوطة.

الماسكرا وأحمر الشفاه
آخر حاجة بنحطها هي الماسكرا، وبعد كده بنحط أحمر الشفاة، واختارنا لونه على روز؛ علشان يناسب درجة ظل الجفون اللي استخدمناها.

 

المصدر: مجلة بص و طل

عن Asmaa Nabil

اسماء نبيل مصممة جرافيك وكاتبة في مجال الموضة و الازياء لها عدة مدونات تهتم بالمراْة العصرية ولها الكثير من اعمال التصميم باستخدام الفوتوشوب

4 تعليقات

  1. انا اول مرة ادخل على الموقع ولاقيتة جميل والموضوع جامد جداجدا وفادنى كتير عشان انا بهتم كتبر جدا بالميك اب اتمنى الاقى الجديد على طول

  2. عاوزة اعرف طرق طبيعية لتفتيح البشرة وانا بشرتى دهنية وعاوزة اعرف افضل انواع الكريمات للبشرة الدهنية واسماء ماركات كريمات اساس للبشرةالدهنية

  3. الشرح جميل جدا ويوجد زى ما هنشوف فى الفيديو هو فين الفيديو حتى نمتكن من المشاهدة العملية

  4. اهم حاجه بيكون فى مرطب بيكون قبل وضع كريم الاساس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *