عرب فاشون موقع المرأة العصرية
كل انسان بيدور على النجاح وتحقيق الاهداف بس دائما في حواجز بتقف ادامنا وتمنع اي تغيير إيجابي في حياتنا.. عشان نوصل الى اهدافنا بطريقة إيجابية في ثلاث نصائح منا تساعدك على التغيير
- حط لحياتك اهداف و اعرف طريقك
اسأل نفسك انت فعلا عايز تحقق ايه السنه دي او في حياتك عموما
فكر و حط لنفسك اهداف بس مع كل هدف اعرف الطريق للوصول لهدفك
مثلا لو هدفك تعيش ستايل حياه صحي اكتر
بلاش تقول هعيش حياة صحية اكتر و تسكت
فكر هتعمل ايه عشان توصل لهدفك
هتروح الجيم, هتاكل اكل صحي, هتمشي كل يوم او هتشرب مياه اكتر
لو هدفك تكون اقرب لربنا
هتلتزم بصلاتك, هتعرف اكتر عن دينك, او هتطوع و تساعد محتاجين
لازم تكون عارف الطريق اللى هيوصلك لهدفك.
- خليك واثق انك تقدر تحقق و تغيير اي حاجه
كتير من الناس بتحاول تعمل تغيير في حياتها بس دايما من جواهم
بيكون في صوت بيديهم طاقه سلبية " مش هتقدر - صعب اكمل"
لو الصوت ده جواك لازم تساعد نفسك
اسال نفسك انت ليه عايز تحقق او تغير الحاجه دي
و لو مبدأتش دلوقتي شكل حياتك هيكون ازاى كمان سنه
افهم نفسك و حول التفكير السلبي اللي جواك الى فعل ايجابي
و خليك متاكد انك تقدر تحقق اي حاجه انت عايزها.
- اتعلم من اخطائك
مع كل تغيير او عاده جديده بتبدأها لازم هيحصل انك تقف او تعمل حاجه غلط
ده طبيعي المهم تتعلم ازاى تتعامل مع ده
اتعامل معه على انو غلط و اتعلمت منو
و ابعد فكره انك فشلت
خد وقت فكر و اسال نفسك ليه وقفت
فكر نفسك انت ليه بدأت من الاساس
و انسى و كمل طريقك.
