عرب فاشون موقع المرأة العصرية
التسوق لمولود جديد
اليوم نقدم لك تجربة التسوق لمولود (بنت) في يوم واحد خلال الخصومات
تاريخ الشراء: ٤ / ٢ / ٢٠١٢
تاريخ الولاده المتوقع : ٢٠ / ٤ /٢٠١٢
المقاسات : من ٠ الى ٦ شهور
الوقت المستهلك في الشراء : من الساعه ١١ صباحا الى الساعه ٨ مساءا
بداية تجربة التسوق لمولود جديد من كارفور المعادي توكيل نكست و خصومات تصل الى ٥٠ ٪ تم شراء المجموعه التالية
اجمالي المشتريات بعد الخصم من توكيل نكست = ٧٠٠ جنيه
وبعدها الى صيدلية هيثم و صلاح في كارفور
و المجموعه التالية
- ٢ صابونه سانوسن
- كريم بشرة للبيبي سانوسن
- شاور جيل سانوسن
- شامبو سانوسن
- بودرة سانوسن
- زيت اطفال سانوسن
- مناديل ويبس سانوسن
- كحول سبراي
- فرشه و مشط شيكو
- اعشاب بيبي كالم
- نقط دانتي نوكس
- مجموعة هيلثي كير من شركة سيفتي ( ٩ اجزاء )
- قطن ودان
- بيبرونة دكتور بروانز
- ٢ عبوة * ٣٢ بامبرز نيو بورن
اجمالي مشتريات الصيدلية ٦٨٠ جنيه
ننتقل بعد ذلك الى محلات ماكس في مصر الجديدة امام الميرلاند اللبس للاولاد في محلات ماكس اكثر من البنات لكن بردك لقينا شوية حاجات حلوة
اجمالي المشتريات بعد الخصم من محلات ماكس ٢٧٥ جنيه
ننتقل بعد ذلك الى محلات سيف ستورز في مول سيتي ستارز والمجموعة التالي
اجمالي المشتريات من سيف ستورز بعد الخصم على بعض الملابس ١٠٢٦ جنيه
بعد ذلك انتقلنا الى Tapealoeil في مول ستي ستارز و المجموعه التالية
اجمالي المشتريات بعد الخصم ٢١٩ جنيه
وبعد ذلك توجهنا الى محلات اتش اند ام H & M
السعر ١٧٧ جنيه
وبعدها الى محلات مازر كير Mother Care سيتي ستارز
وخصم كبير على سراير الاطفال
السعر ١٠٢٠ جنيه وطبعا السعر بدون المرتبه
وبعد ذلك الى بريمامان في ستيتي ستارز و المجموعه التاليه
جوانب سرير + ملاية سرير + مخده صناعه بلجيكي قطن ١٠٠ ٪
السعر ٥٣٣ جنيه
واخيرا محلات بي اكيد سوق الرحاب و المجوعة التالية
ومحلات هابي بيبي مول الرحاب الجديد و هذه المجموعة
اجمالي مشتريات الرحاب ١٠٠٠ جنيه
يمكنك الشراء اونلاين من جوميا مصر اضغطي هنا
ما تنسيش تشاركي في تجربة التسوق لمولود جديد بتعليقاتك
طبعا مجموعة رائعة بس فيها حاجات غالية شوية
كان المفروض تشترى لبس البيبى المقاس الصغير فقط والاجمل كل ما يكبر شهر او اتنين تشترى تانى علشان تكرار المتعه كدا بقت متعة يوم واحد وهتفضل حاجات عندك مدهانا هولد فىنفس ميعادك بس جيبه مقاس مواليد وبعدين لما اكون خرجه والاقى شئ يعجبنى اجيبه ربنا يقومك بالسلامه انا وانتى يارب
موضوع هايل جدا وعلي فكره انا ان شاء الله هولد في نفس التوقيت برده وعرفت من الموضوع حاجات كتيره كانت نقصاني .... ميرسي جدا
حوين اووووى
بس غاليين وع فكرة المحلات الى ف كارفور وسيتى ستارز عامل خصومات بسيطه والحاجات لسه غاليه انا بصيت لانه كنا هنشتري لبنت اختى
وسري ايه اللى بالف وشويه !!!
مبروك مقدما.. أنا تقريبا ان شاء الله ح أولد في نفس الميعاد وبابتدي أحضر حاجات البيبي وطبعا ماعنديش أي خبرة مسبقة.. ولما سألت قالولي ما أجيبش كتير عشان البيبي بيكبر بسرعة..واقترحوا محلات التوحيد والنور اللي في مدينة نصر عشان حاجاته خامتها حلوة ورخيصة في نفس الوقت, وفعلا كارفور بعيد وغالي شوية.. ولو في أماكن تانيه ياريت تقولولي.. وياريت لو تفيدوني ب لستة الحاجات اللي المفروض أجيبها..
وجزاكم الله خيرا ان شاء الله
بالعكس الملابس جميله وتستاهل الفلوس بس فعلا اشترى للمولود حسب سنه لان الموضه بتتغير كل سنه ويعيش ويدوب
اناعندى طفلين ولما شوفت هذه الحاجات خليتونى افكر في الحمل
مره ثالثة فتحتى نفسى
الحجات حلوه كتيير بس غاليه بردو يعنى الطفل بيكبر بسرعه فعلا يعنى الحجات دي هتصغر وهتبقى مالهاش لزمه وفي وقت قصير المفروض اننا نجيب حجات خامتها كويسه وفي نفس الوقت اسعارها معقوله لانك مش معقول بعد كام شهر من ولادتك هتعملى ميزانيه تانيه لحجات تانيه انا لسه بشهري الرابع لسه بدري على ولادتي بس انا مربه مع اختي مرتين في بناتها الاتنين وربنا يقومنا بالسلامه كل اللى على راح يولدوا عن قريب ان شاء الله بس الموضوع مفييد كتير على الاقل تعرفي اعداد اللحجات اللى انتى عاوزه تجيبيها ايه مع اختلاف الانواع والماركات كل واحد ليه حريته
مبروك اولا و ربنا يتمملك على خير يا رب
انا هبتدي الشهر اللي جاي اشتري كل ده ، بس خهو الصيفي نزل اصل انا هولد في شهر 6 , انتي جبتي هدوم ما شاء الله كتيرة كده ريحتي نفسك من انك تنزلي كذا مرة ب كنتي جبتي يادوبك لسن حديث ولادة واستنيتي شوية وهينزل حاجات احلى و جديدة , و جرب تشوفي التوحيد والنور اللي في مدينة نصر حاجاته حلوة ة اسعار اوفر فكك خالص من سيتي ستارز انا تقريبا عايشة هناك , حاجته غالية هي حلوة اوي و مالهاش زي فعلا بس ممكن تلاقي حلو برده في مدينة نصر و ماكس اللي اودام المريلاند
بجد رائع جدا ما شاء الله
باذن الله ولادتى فى 7 بس ابديت واحدة واحده اخرج
واشترى بس بيقنعونى انى اشترى مقاسات من 0 الى 6 اشهر علشان البيبى بيكبر
برغم انى مويده فكرة انى اجيب كل لبس فلى مرحلتوا احسن
لان اللبس اللى اشتريتوا غالى اوى من بيبى شوب
بجد نورتى عينى على حاجات كتير
هى صحيح فكرة انك متزوديش فى شراء اللبس فى الاول علشان البيبى بيكبر فمش بيلحق يلبس كل حاجة ممكن فى حاجات مش بتتلبس او حاجات تتلبس مرة واحدة مثلا ده غير انه فى الاول بيكون دايما فى البيت مينفعش يخرج كتير فالاحسن فعلا انه كل ما يكبر شوية نشترى تانى و الحاجة اللى اشتريتوها فعلا غالية بس كل واحد يشترى على اد اللى معاه مفيش مشكلة .... بس انا بعتقد بس ان فى كام حاجة ناقصين زى شفاطة الانف انا جبتها ماركة شيكو و الفازلين الواقى من الالتهابات و من رأيى بلاش نستخدم للطفل مناديل الوايبس عشان صدره فى الاول مش مستحمل اى روايح جامدة ولا بشرته كمان عشان ساعات بتعمل التهابات و كمان بلاش قطن الودان ده عشان ده مع مرور الوقت بيعمل رواسب فى الودان الاحسن هاتى كلينكس و ابرميه و نظفى به الانف او الأذن و نسيتى كمان القطن ... و ربنا يوفقك
حاوة
جامديييين