عرب فاشون موقع المرأة العصرية
اليكي بعض من نصائح مصفف الشعر "محمد يونس" حول ضعف و تساقط الشعر و العنايه به:
أسباب ضعف الشعر
فيه أسباب كتيرة لضعف الشعر، ومن الأسباب الرئيسية اللي بتسبب مشكلة الشعر الخفيف هي الربط العنيف للشعر واستخدام الزيوت في دهان الشعر والقشرة وكمان التغذية السيئة، وخاصة إن معظم الأكل اللي بناكله اليومين دول مليان بنسبة كبيرة من الهرمونات اللي بتأثر جداً على طبيعة الشعر.
حددي سبب المشكلة قبل العلاج
لازم قبل ما ناخد أي علاج، نحدد السبب في المشكلة وبعد كده ناخد العلاج المناسب، وحتى لو استعملنا الفيتامينات فيفضل إننا نستخدم الفيتامينات اللي بيتم وضعها على فروة الرأس، ويا ريت نبتعد تماماً عن الفيتامينات اللي بتتاخد عن طريق الفم لإنها ممكن تضر حاجات تانية في الجسم.
نصائح للعناية بالشعر
بينصح مصفف الشعر "محمد يونس" كل البنات إنهم يبعدوا عن الشامبوهات اللي بتكون شامبو وبلسم في نفس الوقت لإن ده من أسباب ضعف الشعر، ويفضل إنها تستخدم الشامبو لوحده والبلسم لوحده.
كمان لازم ياخدوا بالهم من إنهم ما يغسلوش شعرهم بمية سخنة جداً لإن الحرارة العالية دي بتضعف الشعر وبتسبب تساقطه، وبلاش كمان استعمال زيوت للشعر بعد الحمام لأن تزييت الشعر ده بيمنع فروة الرأس من إنها تفرز زيوتها الطبيعية، لكن لو أي بنت عايزة تدي لشعرها شكل لامع ممكن تستخدم السيرم.
ياريت تدينى وصفه للحفاظ على الشعر وعدم سقوطه اوعلاج له
شكرا على المعلومات الهامه
جزاكي الله خير بس يا ريت تقولي حاجة للشعر الضعيف
ممكن اعرف الزيوت الطبيعية مضرة بعد الحمام مباشره وامته نستخدم الزيوت على الشعر
OMG THANK YOU FOR THIS
شكرا علي الموضوع الهام والزيوت يابنات فعلا مضرة جدا للشعر لكن في ناس بتقول زيوت مفيدة وغيرها ضارة فانا دلوقتي عايزة اعرف ايه احسن زيت ممكن نستخدمه ولا منستخدمش الزيوت خالص
شكرا